АҚШ Конгрессининг Вакиллар палатаси Россияга нисбатан санкциялар босимини кучайтирувчи ва Украинани қўллаб-қувватлашни кенгайтирувчи қонун лойиҳасини овозга қўйиш бўйича процессуал қарорни қўллаб-қувватлади.
Учрашув АҚШ парламенти қуйи палатасининг расмий сайтида трансляция қилинди.
Бу қарорга 218 конгрессмен овоз берди, 204 нафари эса қарши чиқди. Тасдиқлаш учун роппа-роса 218 овоз керак эди. Бу натижа туфайли қонунчилар Вакиллар палатаси спикери Майк Жонсонни (Луизиана штатидан республикачи) ва тегишли қўмиталар раҳбариятини четлаб ўтиб, қонун лойиҳасини овозга қўйишга муваффақ бўлди.
Конгресс қуйи палатаси Ташқи ишлар қўмитасининг етакчи демократи, ушбу ҳужжатнинг асосий ишлаб чиқувчиларидан бири бўлган Грегори Микс (Нью-Йоркдан) шу ҳафта қонун лойиҳаси бўйича овоз беришни ўтказиш ниятида эканлигини маълум қилди.
Ҳужжатда Американинг Россияга қарши амалдаги санкцияларини кучайтириш, шунингдек, уларнинг узоқ муддат сақланишини таъминлашга қаратилган чора-тадбирлар мажмуи мавжуд. Бундан ташқари, қонун лойиҳасида АҚШнинг Украина ва бошқа бир қатор давлатларга ҳарбий ёрдам кўрсатиши тўғрисидаги қоидалар мавжуд.
Ўзбекистонда янги кўл пайдо бўлди
Қирғизистонга юборилган 21 тонна тарвуз нега ортга қайтарилди?
Рустам Ғоиповга “Халқ артисти” унвонининг берилиши шахсан давлат раҳбарининг ташаббуси бўлган
