Вакиллар палатасининг Назорат ва ҳукумат ислоҳоти қўмитаси болаларни зўравонликда айбланаётган америкалик молиячи Жеффри Эпштейн иши бўйича 33 мингдан ортиқ ҳужжатни эълон қилди.
Материаллар август ойида АҚШ Адлия вазирлигидан олинган бўлиб, жинсий эксплуатация қурбонларига зарар етказмаслик учун ҳужжатлардан айрим маълумотлар олиб ташланган.
Юқорида тилга олинган қўмита раиси Жеймс Комер (Республикачи, Кентукки штатидан) "Биз жавоб олиш ва имкон қадар тезроқ қилиш учун қўлимиздан келган барча ишни қиламиз", деди.
Эпштейн 2019 йил 6 июлда Нью-Йорк штати ҳуқуқ-тартибот идоралари томонидан ҳибсга олинган. Прокуратуранинг таъкидлашича, у 2002—2005 йилларда ўзининг Манхеттендаги уйига ўнлаб вояга этмаган қизларни, уларнинг энг кичиги 14 ёшда бўлганига ташриф буюришни ташкил қилгани ҳақида далиллар бор.
Эпштейннинг дўстлари ва танишлари орасида нафақат Қўшма Штатлардаги, балки бошқа кўплаб мамлакатлардаги амалдаги ва нафақадаги амалдорлар, жумладан, собиқ давлат раҳбарлари, йирик тадбиркорлар ва шоу-бизнес юлдузлари ҳам бор эди. 2019 йил 10 августда унинг қамоқхона камерасида ўз жонига қасд қилганидан сўнг АҚШда молиячига нисбатан жиноий таъқиблар тўхтатилди.
ШҲТ саммитидан қайтган ташқи ишлар вазири ҳибсга олинди
Транспорт вазирининг биринчи ўринбосари ҳибсга олинди
Олимпиада чемпиони Асадхўжа Мўйдинхўжаев фуқаро билан муштлашдими?
