Доналд Трамп маъмурияти Ford, General Motors ва Stellantis автоконцернлари билан музокаралардан сўнг Канада ва Мексикадан АҚШга автомобиллар импортига 25 фоизлик божларнинг кучга киришини кечиктиришга қарор қилди.
Бу ҳақда Оқ уй матбуот котиби Кэролайн Ливитт маълум қилди.
4 мартдан бошлаб Канада ва Мексикадан АҚШга деярли барча турдаги маҳсулотлар импорти учун 25 фоизлик божлар амал қила бошлади. Аввалроқ, президент Доналд Трамп божларни жорий этишни бир ойга кечиктирган эди, бироқ шундан сўнг ушбу давлатлар Қўшма Штатларга гиёҳванд моддалар, хусусан, фентанил опиоид моддаси оқимини тўхтатиш учун етарли чоралар кўрмаганини маълум қилди, деб ёзади Reuters.
Канада ва Мексика Трампнинг айбловларини рад этишди ҳамда бунга жавобан АҚШдан импорт қилинадиган маҳсулотларга божхона тарифлари жорий этилишини эълон қилишди.
Ўзбекистон Россия элчисини чақиртирди
Ҳиндистонлик талаба Тошкент тиббиёт академиясидан норози бўлди
Франция Россия Ғалаба байрамига таклиф қилинмаганидан ғазабланди
