АҚШ ислоҳотларни кутаётган БМТ маблағларини ушлаб қолмоқда

АҚШ президенти Дональд Трамп маъмурияти ташкилотни ислоҳ қилишни кутаётган бир пайтда БМТга тўловларни тўхтатди.

Бу ҳақда АҚШнинг БМТдаги доимий вакили Майк Уолтц Breitbart News нашрига берган интервюсида маълум қилган.

"Президент ислоҳотни кўрмагунимизча Америка маблағларини ушлаб турмоқда", - дейди у.

Уолтцнинг сўзларига кўра, АҚШ босими остида БМТ Бош котиби Антониу Гутерриш БМТ бюджетини 15 фоизга қисқартиришга рози бўлган, бу эса ходимларнинг 18 фоизга ва тинчликпарвар кучларнинг 25 фоизга қисқаришига олиб келади. "Ўйлайманки, биз кўп жиҳатдан БМТ ўзидан қутқариб, ислоҳотларга интиламиз", — дея қўшимча қилди дипломат.