АҚШ Gerald R. Ford авиаташувчи кемасини Яқин Шарққа йўналтиради

АҚШнинг Gerald R. Ford авиаташувчиси ва унга ҳамроҳ бўлган кемалари Кариб денгизидан Яқин Шарққа кўчирилади.

Бу ҳақда The New York Times (NYT) манбаларга таяниб хабар берди.

Манбаларга кўра, кема экипажи Форс кўрфазидаги Abraham Lincoln авиаташувчиси бошчилигидаги зарба берувчи гуруҳга қўшилиши ҳақида хабардор қилинган.

Газаттада эслатишича, Gerald R. Ford ўтган йилнинг июнь ойида Виржиния штатининг Норфолк шаҳридан жўнаб кетган ва октябрь ойида Кариб денгизига йўналтирилган. Авиаташувчи 3 январь куни Каракасга қилинган ҳужумда иштирок этган ва унинг жойлашуви аллақачон бир марта узайтирилган.

Экипаж март ойининг бошида базага қайтишни кутган эди, аммо қайта жойлашув туфайли денгизчилар апрель ойининг охири ёки май ойининг бошигача уйга қайтмасликлари мумкин, деб таъкидлайди газета. Бу кеманинг зарур техник хизмат кўрсатишига тўсқинлик қилади, деб қўшимча қилади NYT.