Фаластин Футбол ассоциацияси раҳбари Жибрил Ражуб Жаҳон чемпионатининг АҚШда ўтадиган учрашувларида қатнашиш имкониятидан маҳрум бўлди. Боиси Қўшма Штатлар, FIFA’нинг расмий аккредитацияга қарамай, унга виза бермади.
Мундиалда Фаластин терма жамоаси қатнашмаётган бўлса ҳам, Ражуб халқаро футбол делегациялари таркибида учрашувларга боришни режалаштирган эди. Бироқ АҚШ виза бермагач, ҳозирча Мексикада қолмоқда. Футбол мулозими у ерда турнирнинг очилиш учрашуви — Мексика ва Жанубий Африка ўйинини томоша қилган.
Ражуб АҚШ расмийларининг қарорини адолатсиз деб атаб, бунинг ортида сиёсий сабаблар борлигини айтди. У, шунингдек, 2018 йили Россияда бўлиб ўтган Жаҳон чемпионатида бундай муаммоларга дуч келмаганини қўшимча қилди
“Футбол ҳамжамияти аъзоларининг халқаро турнирда иштирок этиш ҳуқуқидан маҳрум қилиниши адолатдан эмас”, деди у.
Тимми исмли кит биоёқилғига айланади
АҚШда ҳам тўй қилаётганлар ақлдан озмоқда
Жалолиддин Машарипов терма жамоа қайдномасидан чиқарилмоқда
