Қатар амири Трампнинг Эрон бўйича баёнотини тасдиқлади

Қатар амири шайх Тамим бин Ҳамад Ол Соний ва АҚШ президенти Дональд Трамп телефон орқали мулоқот қилиб, Вашингтон ва Теҳрон ўртасидаги музокаралар натижаларини муҳокама қилди.

Қатар томони маълум қилишича, суҳбат чоғида Эрон билан келишув бўйича эришилган ютуқлар кўриб чиқилган. Трамп музокаралар давом этаётгани ва ҳужжатни имзолаш олдидан сўнгги тартиб-таомиллар якунланаётганини билдирган.

Бу Қатар томонидан Трампнинг АҚШ ва Эрон ўртасидаги эҳтимолий келишув бўйича аввалги баёнотларига берилган илк расмий тасдиқ ҳисобланади. Шу билан бирга, Эрон ҳали келишув матни тўлиқ келишилганини расман тасдиқламаган.