АҚШ Европа Иттифоқи амалдорларига санкция қўллаши мумкин

АҚШ президенти Дональд Трамп маъмурияти Европа Иттифоқи ёки Европа давлатлари вакилларига Европа Иттифоқининг рақамли хизматлар тўғрисидаги қонуни (Digital Services Act, DSA) қоидаларини амалга оширгани учун уларга нисбатан санкциялар қўллаш имкониятини кўриб чиқмоқда.

Бу ҳақда Reuters хабар бермоқда.

Агентлик маълумотларига кўра, ўтган ҳафта АҚШ расмийлари ушбу масала бўйича маслаҳатлашувлар ўтказган. Вашингтон ҳали Брюсселга қарши чекловлар бўйича якуний қарорга келгани йўқ. Бундан ташқари, қандай аниқ чоралар муҳокама қилинаётгани ва потенциал санкциялар айнан кимларга таъсир қилиши номаълумлигича қолмоқда.