Қўшма Штатлар Молия вазирлиги Ҳўрмуз бўғозидаги танкерларга берилган зарбалар туфайли Эрон нефтига нисбатан жорий этилган санкцияларнинг вақтинчалик бекор қилинишини қайтариб олаётганини маълум қилди.
Сешанба куни Саудия Арабистони ва Қатар Теҳрон томонидан уларнинг танкерлари ўққа тутилганини эълон қилди. АҚШ Молия вазирлиги бу зарбаларни "мутлақо қабул қилиб бўлмайдиган ҳолат" деб атади.
Шу билан бирга, жаҳон агентликларининг ёзишича, АҚШ вакили юз берган воқеаларга қарамай, Эрон билан тинчлик музокаралари давом этаётганига ишонтирди.
Санкцияларнинг вақтинчалик бекор қилиниши, яъни Теҳронга нефт қазиб олиш, сотиш ва харидорларга етказиб бериш учун берилган рухсат Вашингтон ва Эрон томонидан июн ойида имзоланган ўзаро англашув бўйича тинчлик меморандуми доирасидаги қадамлардан бири эди.
Меморандум ҳозирда томонлар ўртасида музокаралар олиб борилаётган тинчлик битими сари ташланган қадам сифатида режалаштирилганди.
Қирғизистон–Ўзбекистон чегарасида 27 нафар чегара ходими қўлга олинди
ФИФА АҚШ терма жамоаси ҳужумчиси борасида бутун дунёга шарманда бўлди
АҚШ Эрон мактабига зарба берди
