АҚШ Эрондаги намойишчиларга 6000 га яқин Starlink терминалини юборди

Қўшма Штатлар Эрондаги намойишчиларга бир неча минг Starlink сунъий йўлдош алоқа терминалларини етказиб берди.

Бу ҳақда The Wall Street Journal нашри хабар бермоқда.

Газета хабарига кўра, Эронга тахминан 6000 та терминал ноқонуний равишда жўнатилган. Давлат департаменти сўнгги бир неча ой ичида тахминан 7000 та Starlink терминалини сотиб олган, уларнинг аксарияти январь ойида.

Нашрнинг таъкидлашича, АҚШ президенти Дональд Трамп бу ҳаракат ҳақида хабардор қилинган, аммо у буни тўғридан-тўғри санксия қилганми ёки йўқми номаълумлигича қолмоқда.

Январь ойида Bloomberg нашри Илон Маскнинг SpaceX компанияси Эрондаги Starlink инфратузилмаси учун кириш тўловларидан воз кечганини хабар қилди.

29 декабрь куни Эронда миллий валютанинг кескин пасайиши ва нархларнинг ошиши туфайли оммавий норозилик намойишлари бўлиб ўтди. Кейинги тартибсизликлар натижасида 3000 дан ортиқ одам, жумладан, тахминан 40 нафар ҳуқуқни муҳофаза қилиш органлари ходими ҳалок бўлди.