АҚШ–Эрон уруши сабаб озиқ-овқат нархлари ошиши мумкинми?

АҚШ ва Эрон ўртасидаги уруш ҳамда Ҳормуз бўғози блокадаси глобал озиқ-овқат нархларига жиддий таъсир кўрсатиши мумкин.

BBC маълумотларига кўра, ушбу йўл орқали Форс кўрфази нефти, гази ва ўғитларининг тахминан 20 фоизи жаҳон бозорига чиқади. Блокада бу таъминот занжирини издан чиқармоқда.

БМТ ва Жаҳон банки огоҳлантиришича, уруш чўзилса, янги глобал озиқ-овқат инқирози юзага келиши мумкин.

Асосий омиллар:

• Азотли ўғитлар нархи 40–60 фоизга ошган
• Денгиз орқали ўғит ташиш кескин камайган
• Газ ва энергия таъминотидаги узилишлар ишлаб чиқаришни қимматлаштирган
• Хитой каби йирик экспортчилар ҳам экспортни чекламоқда

БМТ Жаҳон озиқ-овқат дастури ҳисобларига кўра, агар можаро йил ўртасигача давом этса, қўшимча 45 миллион киши очлик хавфига тушиши мумкин.