АҚШ Эрон билан ҳамкорлик қилувчи давлатларга 25% бож жорий этмоқда

АҚШ президенти Доналд Трамп Эрон Ислом Республикаси билан иқтисодий ҳамкорлик қилаётган давлатларга нисбатан қатъий савдо чоралари жорий этилишини маълум қилди.

Унинг Truth Social’да ёзишича,
“Дарҳол кучга кирадиган ушбу тартибга кўра, Эрон билан бизнес юритаётган ҳар қандай давлат АҚШ билан амалга ошириладиган барча турдаги савдо амалиётлари учун 25 фоизлик бож тўлайди. Ушбу буйруқ якуний ва қатъийдир.”

Шу билан бирга, Оқ уйнинг расмий сайтида ҳозирча мазкур қарор бўйича расмий ҳужжат эълон қилинмаган.

Маълумот ўрнида, Эрон товарларининг асосий экспорт бозорлари — Хитой, Бирлашган Араб Амирликлари ва Ҳиндистон.