АҚШ дрон соҳасида Россия ва Хитойга етиб олиш ниятида

Пентагон раҳбари Пит Хегсет Россия ва Хитойни ортда қолдириш мақсадида дронларни ишлаб чиқариш ва жойлаштиришни тезлаштиришни буюрди.

Бу ҳақда Хегсетнинг бир нечта эслатмаларини қўлга киритган Fox News телеканали маълум қилди.

Мудофаа вазири бир қатор бюрократик асоратларни олиб ташлади ва унинг фикрича, инновацияларга тўсқинлик қилаётган чекловларни бекор қилди. Ҳужжатлардан бирида “Дронларнинг ҳалокатлилиги энди ўзимизга ўрнатган қоидалар билан чекланмайди”, дейилади. Биринчи марта полковник ва капитан унвонига эга офицерлар дронларни, шу жумладан 3D-принтердан фойдаланган ҳолда яратилганларини мустақил равишда сотиб олишлари ва синовдан ўтказишлари мумкин бўлади. Бундан ташқари, улар тез ва кераксиз текширувларсиз дронлардан фойдаланишни бошлашлари мумкин бўлади.