АҚШ Давлат котиби Венгрияни Россияга қарши санкцияларни узайтиришга тўсқинлик қилмасликка ишонтиришга ёрдам берди

АҚШ Давлат котиби Венгрияни Россияга қарши санкцияларни узайтиришга тўсқинлик қилмасликка ишонтиришга ёрдам берди. Бу ҳақда Politico хабар берди.

Нашр маълумотига кўра, дастлаб Будапешт санкцияларни узайтиришга вето қўйишни режалаштирган ва буни Доналд Трампнинг Оқ уйга қайтиши билан асослаганди. Бироқ кейинчалик Трампнинг ўзи, агар Россия Украинада сулҳга рози бўлмаса, унга нисбатан янги чекловлар жорий қилиш билан таҳдид қилди.

Бундан ташқари, АҚШ Давлат котиби Марко Рубио Венгрия Ташқи ишлар вазири Петер Сийяртога қўнғироқ қилиб, Венгрияни Европа Иттифоқининг санкциявий тизимини заифлаштирмасликка чақирган. Натижада Будапешт ўз қароридан қайтган ва санкциялар сақлаб қолинган.

"Мутахассисларнинг фикрига кўра, Трамп исталган вақтда ўз тактикасини ўзгартириб, Россия билан музокараларда санкцияларни юмшатишни таклиф қилиши мумкин. Агар бу содир бўлса, Европа Иттифоқи Венгрияга таъсир ўтказишнинг муҳим ричагидан маҳрум бўлиши мумкин", деб ёзади нашр.