АҚШ бир вақтнинг ўзида бир нечта ядровий кучларни тўхтатишга тайёр бўлиши керак

Қўшма Штатлар бир вақтнинг ўзида бир нечта ядровий кучларни тўхтатиш қобилиятига эга бўлиши керак.

Бу ҳақда АҚШ президенти Дональд Трамп томонидан Мудофаа вазирининг ядровий қуролдан ҳимоя қилиш, кимёвий ва биологик мудофаа сиёсати ва дастурлари бўйича ёрдамчиси лавозимига номзоди илгари сурилган Роберт Кадлек маълум қилди.

У ўз номзодини кўриб чиқиш учун Сенатнинг Қуролли кучлар қўмитасидаги тингловда АҚШ қонунчиларининг саволларига жавоб берди.

"Ўйлайманки, бизнинг стратегик кучларимиз бир вақтнинг ўзида бир нечта ядровий кучларнинг, хусусан, энг катта салоҳиятга эга икки давлатнинг стратегик ҳужумларини тўхтата олиши керак" - деди Кадлеc ўзининг ёзма жавобларида.

Расмий Ҳиндистон-Тинч океани минтақасида АҚШ ядровий каллакларини жойлаштириш тарафдори ёки йўқлигини аниқламади.

"Агар тасдиқланса, мен тегишли бўлим ҳамкасблари ва иттифоқчилари билан АҚШнинг Ҳинд-Тинч океани минтақасидаги ядровий кучларининг ҳолатини тўхтатиб туриш учун ўзгартириш зарурми ёки йўқми, бу борада маслаҳатлашаман" - деди Кадлеc.

"Менинг тушунишимча, Хитой ядровий кучларининг ўсиш суръати АҚШ кутганидан ҳам юқори", - дея қўшимча қилди америкалик расмий. У, шунингдек, Вашингтоннинг Осиёдаги иттифоқчиларини ядровий соябон билан таъминлашни давом эттиришга тайёрлигини кўрсатиш учун “қўшимча чоралар” зарурми ёки йўқлигини кўриб чиқишга ваъда берди.