Купертинолик корпорациянинг навбатдаги айфони дизайни борасида икки вариантдан бирини танлаши мумкинлиги айтилаётган эди. Улардан бирини эълон қилганмиз уч модулли бош камера квадрат блок ичида жой олади.
Ҳиндистоннинг Compareraja ресурси ўз манбаларига таяниб маълум қилишича, Apple иккинчи вариантни танлаган. Унда айфоннинг асосий камераси корпус орқа панелининг тепа қисми ўртасида, горизонталига жойланади. Бу эса бир кўзли афсонавий махлуқ циклопни эслатади.
Шунингдек, манбанинг таъкидлашича, iPhone XI моделида диагоналига 5,8 дюймлик OLED-дисплей сақланиб қолади. Аммо дисплейдаги кемтик нинг кичрайиши ҳамда ромларининг юпқалиги эвазига корпуси сал ихчамлашуви кутилмоқда.
Булардан ташқари, янги айфон Lightning ўрнига USB Type-C порти ҳамда 4000 мА/соатлик аккумулятор билан жиҳозланади. Аммо Apple нинг бу йилги смартфонлари ҳали 5G тармоғини қўллаб-қувватламайди.
iPhone XI кумушранг, тилларанг ва кул ранг тусли корпусларда чиқиши кутилмоқда, яна кўк рангда ҳам тақдим этилиши мумкин.
Manba: terabayt. uz
