АПЛда Холанд гол урмаган рақиб қолмади

"Манчестер Сити" ҳужумчиси Эрлинг Холанд Англия Премьер Лигасида ўзига хос кўрсаткичга эришди.

The Touchline маълумотига кўра, норвегиялик футболчи энди АПЛда ўзи қарши ўйнаган барча 25 жамоа дарвозасини ишғол қилган. Бунга у "Сандерленд"га қарши учрашувда гол урганидан кейин эришди.

Холанд мазкур баҳснинг 81-дақиқасида рақиб дарвозасини аниқ нишонга олди. Унинг голи "Манчестер Сити"нинг 5:3 ҳисобидаги ғалабасига ҳисса қўшди.

Норвегиялик форвард 2022 йил ёзидан буён "шаҳарликлар" сафида тўп тепмоқда. Шу давр мобайнида у Англия Премьер Лигасининг уч карра энг яхши тўпурари бўлишга ҳам улгурган.