Англия Премьер-лигаси 35-туридан ўрин олган «Манчестер Юнайтед» — «Ливерпуль» учрашуви якунланди. Қизиқарли кечган баҳсда манкунианлар 3:2 ҳисобида ғалаба қозонди. Уйин Манчестер шаҳридаги «Олд Траффорд» стадионида бўлиб ўтди.
Учрашувнинг 6-дақиқасида Матеус Кунья ҳисобни очиб, мезбонларни олдинга олиб чиқди. 14-дақиқада Беньямин Шешко «қизил иблислар»нинг иккинчи голини урди. Танаффусдан сўнг, 47-дақиқада Доминик Собослаи меҳмонлар ҳисобини қисқартирди. 56-дақиқада Коди Гакпо ҳисобни тенглаштирди. 77-дақиқада эса Кобби Майну манкунианларга ғалаба келтирган голга муаллифлик қилди.
Ушбу натижадан сўнг «Манчестер Юнайтед» 64 очко жамғариб, турнир жадвалида 3-ўринга кўтарилди. «Ливерпуль» эса 58 очко билан 4-поғонада бормоқда.
Келаси турда «Манчестер Юнайтед» 9 май куни сафарда «Сандерленд»га қарши ўйнайди. «Ливерпуль» эса шу куни ўз майдонида «Челси»ни қабул қилади.
Англия — Премьер-лига, 35-тур
3 май 2026 йил, якшанба.
«Манчестер Юнайтед» (Манчестер) — «Ливерпуль» (Ливерпуль) 3:2
Голлар: Кунья 6', Шешко 14' — Собослаи 47', Гакпо 56', Майну 77'
Абдуқодир Ҳусанов учун катта маблағ сарфлашга тайёр гранд жамоа пайдо бўлди
Абдуқодир Ҳусанов "Олимпия шаҳарчаси"даги инфратузилма билан танишди
Мбаппе жароҳатини даволаш ўрнига актриса билан ҳордиқ чиқармоқда. Клуб фанатлари жиддий норозилик билдирмоқда
