Angliya Premyer-ligasi 35-turidan o‘rin olgan «Manchester Yunayted» — «Liverpul» uchrashuvi yakunlandi. Qiziqarli kechgan bahsda mankunianlar 3:2 hisobida g‘alaba qozondi. Uyin Manchester shahridagi «Old Trafford» stadionida bo‘lib o‘tdi.
Uchrashuvning 6-daqiqasida Mateus Kunya hisobni ochib, mezbonlarni oldinga olib chiqdi. 14-daqiqada Benyamin Sheshko «qizil iblislar»ning ikkinchi golini urdi. Tanaffusdan so‘ng, 47-daqiqada Dominik Soboslai mehmonlar hisobini qisqartirdi. 56-daqiqada Kodi Gakpo hisobni tenglashtirdi. 77-daqiqada esa Kobbi Maynu mankunianlarga g‘alaba keltirgan golga mualliflik qildi.
Ushbu natijadan so‘ng «Manchester Yunayted» 64 ochko jamg‘arib, turnir jadvalida 3-o‘ringa ko‘tarildi. «Liverpul» esa 58 ochko bilan 4-pog‘onada bormoqda.
Kelasi turda «Manchester Yunayted» 9 may kuni safarda «Sanderlend»ga qarshi o‘ynaydi. «Liverpul» esa shu kuni o‘z maydonida «Chelsi»ni qabul qiladi.
Angliya — Premyer-liga, 35-tur
3 may 2026 yil, yakshanba.
«Manchester Yunayted» (Manchester) — «Liverpul» (Liverpul) 3:2
Gollar: Kunya 6', Sheshko 14' — Soboslai 47', Gakpo 56', Maynu 77'
Abduqodir Husanov uchun katta mablag‘ sarflashga tayyor grand jamoa paydo bo‘ldi
Abduqodir Husanov "Olimpiya shaharchasi"dagi infratuzilma bilan tanishdi
Mbappe jarohatini davolash o‘rniga aktrisa bilan hordiq chiqarmoqda. Klub fanatlari jiddiy norozilik bildirmoqda
