АПЛ илк тури ўйинлари 1 дақиқалик сукут билан бошланади

АПЛ клублари Диогу Жота хотирасига ҳурмат бажо келтиради.

Англия чемпионатининг 1-тур ўйинлари "Ливерпуль" собиқ ҳужумчиси ва унинг укаси Андре Тейшейра да Силва хотирасига бир дақиқалик сукут билан бошланади, деб ёзади BBC. Футболчилар мотам боғичлари билан майдонга тушишади.

Эслатиб ўтамиз, Диогу Жота ва Португалиянинг иккинчи лигаси вакили "Пенафиэл" шарафини ҳимоя қилган Андре Тейшейра да Силва 3 июль куни Испанияда содир бўлган ЙТҲда ҳалок бўлган эди.

"Ливерпуль"га ўтишдан олдин Жота Англияда "Вулверхэмптон"да ҳам ўйнаган.