Сунъий интеллект технологияларини ишлаб чиқишга ихтисослашган АҚШнинг Anthropic компанияси Илон Маскка тегишли SpaceX’нинг энг йирик мижозига айланди. Компания SpaceX’нинг чораклик даромадининг учдан бир қисмидан ортиғини таъминламоқда.
Bloomberg агентлиги хабар беришича, 2026 йилнинг учинчи чорагида SpaceX даромадининг тахминан 34,5 фоизи Anthropic буюртмалари ҳиссасига тўғри келган.
Агентлик маълумотларига кўра, сунъий интеллект ишлаб чиқарувчиси билан ҳамкорликдан тушган даромад SpaceX’нинг АҚШ давлат шартномалари бўйича олган тушумларидан ҳам ошиб кетган.
Таркибига жорий йилда Super Intelligence бўлинмаси ҳам киритилган SpaceX Anthropic компаниясига Теннесси штатидаги Мемфис шаҳрида жойлашган маълумотлар марказларининг ҳисоблаш қувватларини тақдим этмоқда.
2029 йилгача амал қиладиган шартномалар шартларига мувофиқ, декабрь ойидан бошлаб Anthropic SpaceX’га ҳар ой тахминан 3,1 миллиард доллар тўлаб боради.
Исроилда парламент сайловлари якунланди: Нетаньяху учун кутилмаган натижа
17 ёшли қиз ўлдирилиши 52 йилдан кейин фош этилди: унинг ота-онаси ҳақиқатни билмай вафот этди
1-ноябрдан иссиқ сув ва иссиқлик энергияси нархлари 30% га ошади
