Туркия ташқи ишлар вазири Хакан Фидан Доналд Трамп ўз маъмуриятига киритишни режалаштираётган номзодлар ҳақида фикр билдирди. A Haber телеканали орқали сўзлаган вазир Исроилга АҚШдан фаол ёрдам кутилаётганини таъкидлади.
«Исроилни қўллаб-қувватлаш аслида Америка ички сиёсатининг бир қисмига айланди, айниқса Конгрессда. Бу биз учун кутилмаган ҳодиса эмас», деди Фидан.
Бироқ Туркия Трамп сайловолди кампаниясида берган ваъдаларини бажариб, янги можароларнинг олдини олишига умид қилмоқда. Фидан Анқара АҚШнинг янги президентидан Фаластин муаммосига алоҳида эътибор қаратишини кутаётганини таъкидлади.
“Жаноб Трамп сайлов кампанияси давомида Америка халқи ва жаҳон ҳамжамиятига берган ваъдасини бажаради, деб умид қиламиз. У янги урушларни бошламаслигини ва уларнинг олдини олишини билдирди. Умид қиламизки, у Фаластин муаммосига алоҳида эътибор қаратади», - дея таъкидлади Туркия ТИВ раҳбари.
Вазир, шунингдек, демократларнинг сайловлардаги мағлубиятига АҚШнинг Фаластинга нисбатан сиёсатидан норози бўлган мусулмонлар ва араблар ўртасида қўллаб-қувватловни йўқотгани сабаб бўлганини тахмин қилди.
Россия ўз ишини бошлади
Афғонистон варианти Украина учун мос деб топилди
Америка самолёти Гаитига қўнмоқчи бўлганида отиб ташланди
