2018 йилнинг 12 май куни Тошкент шаҳрида жойлашган “Анҳор-Локомотив” боғидаги “Баландлик” атракционида уйнаган 11 ёшли бола ўзини ноқулай аҳволда сезгани қайд этилган. Мирзо Улуғбек туманидаги мактаблардан бирининг ўқувчиси бўлган, 11 ёшли боланинг соғлиги ёмонлашади.
Воқеа соат 21:35да содир бўлган, соат 21:36:35 да эса боғнинг тиббиёт ходимлари етиб келишади ҳамда биринчи тиббий ёрдам кўрсатишга эришишади.
Шундан сўнг, бола боғдаги тиббиёт пунктига олиб борилган. Биринчи ёрдам кўрсатиш жараёнида дарҳол тез ёрдам чақирилгани маълум бўлди.
Жабрланган бола 1-ШКШга олиб борилган ҳамда шу ерда бола ҳаётдан кўз юмгани айтилмоқда. Айнан, боғдаги воқеа сабаб боланинг ҳаётдан кўз юмгани учун ҳам боғ маъмурияти боланинг ота-онаси ва яқинларига ўз ҳамдардликларини билдиришмоқда.
Шу ўринда Aniq.uz таҳририяти ҳам вафот этган боланинг оила аъзолари ва яқинларига чуқур ҳамдарлик билдиради.
Эслатиб ўтамиз, ҳодиса сабаб "Анҳор-локлматив" боғи маъмурияти 13-14 май кунлари боғ ҳудудидаги барча кўнгилочар тадбирларни бекор қилди.
манба: UzNews.uz
