Андижонда вояга етмаган қизлар тенгдошини гуруҳ бўлиб калтаклашди

Андижон шаҳрида жойлашган кўп қаватли уй олдида ушбу маҳаллада яшовчи вояга етмаган қиз ўзига таниш бўлган вояга етмаган тенгдоши билан ўзаро келишмовчилик сабабли жанжаллашган.

Ушбу келишмовчиликка кўп қаватли уйда яшовчи қиз билан бирга келган вояга етмаган 3 нафар дугонаси ҳам аралашиб, жабрланувчига тан жароҳати етказишган.

Ҳозирда мазкур ҳолат юзасидан Андижон шаҳри бўйича ИИО ФМБ томонидан терговга қадар текширув ҳаракатлари олиб борилмоқда. Қизларнинг ота-оналарига нисбатан маъмурий баённомалар расмийлаштирилган.