Ёқилғи - энергия ресурсларидан ноқонуний фойдаланиш билан боғлиқ ҳолатларни фош этишга қаратилган назорат тадбирлари давом этмоқда.
Хусусан, Андижон вилояти, Андижон шаҳри, “Бўстон” маҳалласидаги “Б.С.З.” МЧЖга қарашли нотурар жой биносида фуқаро А.Ю. тегишли тартибда рўйхатдан ўтмасдан алюминий эритиш цехини ташкил қилиб, эритиш печларини тармоққа ўзбошимчалик билан улаб, 6 млрд. 782 млн. сўмлик 4 млн 521 минг метр. куб табиий газни ўғирлагани аниқланган.
Мазкур ҳолат юзасидан фуқаро А.Ю., “Б.С.З.” МЧЖ ва Андижон шаҳар газ таъминоти бўлими мансабдор шахсларига нисбатан Жиноят Кодексининг 169-моддаси 4-қисми “а” банди билан жиноят иши қўзғатилиб, гумонланувчи шахс процессуал тартибда ушланган.