Андижон вилояти ҳокимининг собиқ ўринбосари — вилоят инвеститсиялар, саноат ва савдо бошқармаси бошлиғи Ботиржон Ҳамроевга нисбатан қамоққа олиш эҳтиёт чораси қўллангани айтилмоқда. Бу ҳақда “Дарё” манбаси хабар бермоқда.
Вилоят ҳокимлигида ишловчи “Дарё” манбаларининг маълум қилишича, Ботиржон Ҳамроевнинг хонадонида ўтказилган текширувлар давомида бюджет маблағларининг талон-торож қилиниши, мансаб ваколатини суиистеъмол қилиш ва бошқа ҳолатлар бўйича терговга чақиртирилган ва протсессуал тартибда ушланган.
Яна бир мустақил манбанинг қайд этишича, собиқ ҳоким ўринбосари хонадонидан жуда катта миқдорда (уч миллион доллар) маблағ сақланаётгани аниқланган.
Аниқланишича, Ботиржон Ҳамроевга нисбатан тергов ҳаракатлари олиб борилмоқда.
Маълумот учун, Ботиржон Ҳамроев 2019-йилдан буён вилоят ҳокими ўринбосари сифатида фаолият олиб бораётган эди.
Аввалроқ, Андижон вилояти ҳокимлиги матбуот хизмати томонидан вилоят ҳокимининг ўринбосари — вилоят инвеститсиялар, саноат ва савдо бошқармаси бошлиғи лавозимига Илҳом Собиров тайинланганини хабар қилганди. Бироқ собиқ ўринбосари нима сабабдан ишдан кетганлиги айтилмаганди.
Президентдан “дух” олган Омонбоевага суд ҳукми ўқилди
Алишер Усмонов номзодини 103та давлат қўллаб-қувватлади
Россия Украина ҳудудини «рекорд тезликда» эгаллаб олди
