"Ан-Наср" "Бавария" юлдузига супер таклиф берди

"Ан-Наср" Кингсли Команга шартнома таклиф қилди.

Аввалроқ, Саудия Арабистони клуби "Бавария" билан вингер трансфери бўйича музокараларни бошлагани маълум бўлганди.

"Ан-Наср" франциялик футболчига 2028 йилгача мўлжалланган шартнома таклиф қилган ва унинг маоши йилига 20-25 миллион еврони ташкил этади.

Ҳозирча Кингсли Коман ушбу таклиф бўйича бир қарорга келгани йўқ. Шунингдек, саудияликлар ҳам ҳали мюнхенликларга расмий таклиф билан чиқмаган.

Коман ўтган мавсумда Бундеслигада 28 та ўйинда 5 та гол ва 4 та голли узатмага муаллифлик қилган.