Американинг Boeing аэрокосмик компанияси 2028 йилда олтинчи авлод F-47 қирувчи самолётининг биринчи парвоз синовларини бошлаш ниятида. Бу ҳақда Dubai Airshow кўргазмасида Defense, Space & Security бўлинмаси раҳбари Стив Паркер маълум қилди.
Унинг сўзларига кўра, Next Generation Air Dominance (NGAD) дастури доирасида яратилаётган самолёт аллақачон ишлаб чиқарилмоқда. АҚШ ҳарбий-ҳаво кучлари режаларига кўра, бундай машиналарнинг камида 185 тасини харид қилиш кўзда тутилган.
F-47’нинг батафсил техник хусусиятлари ҳозирча ошкор қилинмаган бўлса-да, жанговар радиуси 1,6 минг км дан ошиши, максимал тезлиги эса 2 Мах (соатига 2 248 км) дан юқори бўлиши маълум. Қирувчи такомиллаштирилган стелс кўрсаткичларига эга бўлади ва тўқнашув чизиғидаги учувчисиз қурилмалар гуруҳини бошқаришнинг асосий элементига айланади.
NGAD дастури олтинчи авлод бошқариладиган қирувчи самолёти ва жанговар қўллаб-қувватлаш дронидан тортиб янги АИМ-260 тактик ракетасигача бўлган тизимларнинг бутун мажмуасини, шунингдек, бир қатор потенциал махфий лойиҳаларни ишлаб чиқишни ўз ичига олади. Март ойида АҚШ президенти Дональд Трамп F-47 устида бир неча йилдан бери иш олиб борилаётганини айтиб, самолёт тезлик, манёвр қилиш ва қуролланиш бўйича фавқулодда имкониятларга эга эканини таъкидлаганди.
Зеленский "тарихий келишув"ни эълон қилди
Эронликлар сув қидирмоқда
Тошкент вилояти ҳокимлиги жиноят устида қўлга тушди
