Америкалик Chevron Ироққа қайтмоқда

Ироқ Америка нефть компанияси Chevron билан Насия лойиҳаси бўйича дастлабки келишувни имзолади. Лойиҳа таркибига тўртта разведка блоки ва бошқа фаол нефть конларини ривожлантириш киради. Насия конининг исботланган нефть захиралари 4,36 миллиард баррел деб баҳоланмоқда.

Сўнгги икки йил ичида Ироқ йирик нефть компаниялари билан янги келишувлар имзолаб, мамлакатдан чиқиб кетиш тенденциясини ўзгартирди.

❕ Контракт шартларининг яхшиланиши натижасида Франсиянинг TotalEnergies ва Британиянинг BP компаниялари умумий қиймати 50 миллиард доллардан ортиқ бўлган янги битимларни имзолади.

Узоқ муддатли мақсад — минтақадаги нефть ишлаб чиқаришни кунига бир миллион баррелгача ошириш. Бу ўсиш қуйидаги ташаббуслар билан қўллаб-қувватланмоқда:
– 20 та қудуқ қазиш кампанияси,
– TotalEnergies бошчилигидаги газ ишлаб чиқаришни кенгайтириш бўйича интеграциялашган лойиҳа (GGIP).

Келишув, шунингдек, Бағдоднинг шимолида жойлашган Балад нефть конини ҳам ўз ичига олади.