АҚШ дунёдаги энг йирик истеъмол иқтисодиёти ҳисобланади, чунки ҳам ҳукумат, ҳам америкаликлар ўз истеъмолини молиялаштириш учун ғоят катта қарзга ботишади.
Ҳозирда Америка давлат қарзи 36 триллион доллардан ошган бўлиб, 2024 йилда истеъмолчилар қарзи 17,5 триллион долларни ташкил этди.
Қўшма Штатлар Америка долларининг жаҳон захира валютаси мақомига эга бўлгани туфайли улкан қарз тўплаши мумкин. Бироқ АҚШ суверен давлатларнинг доллар активларини музлатиш ва долларнинг захира мақомидан фойдаланиб, Америка қонунлари ва санкцияларини ўз чегараларидан ташқарида қўллаш орқали долларни қуролга айлантирди.
Бу Бразилия, Хитой, Миср, Эфиопия, Ҳиндистон, Индонезия, Эрон, Россия, Жанубий Африка Республикаси ва Бирлашган Араб Амирликлари каби БРИКС мамлакатлари раҳбарлигида АҚШ долларини бошқа молиявий воситалар билан алмаштириш учун кучли ҳаракат бошланишига сабаб бўлди.
Бунга жавобан Трамп АҚШ долларидан воз кечишга уринаётган ҳар қандай давлатга 100 фоизлик божлар жорий этиш билан таҳдид солди.
Америка иқтисодиёти актив кўпиклари орқали ўсган бўлса-да, АҚШда ижтимоий фаровонликнинг кўплаб кўрсаткичлари пасайиш тенденциясини кўрсатмоқда. Бу ҳолат Америка жамиятида, сиёсатида ва иқтисодиётида кузатилаётган беқарорликнинг кучайиши билан мос келади.
Россияликлар рекорд суръатда ўлмоқда
"Ўқишга кетяпман деб ўйлагандим..."
АҚШ Европага уч ҳафта вақт берди
