Алиментчи ота 3 нафар фарзанди учун 171 млн сўм тўлаб берди

Маълумки, Ўзбекистон Республикаси Вазирлар Маҳкамасининг 2018 йил 6 октябрдаги 808-сонли қарори билан тасдиқланган “Алиментларни олдиндан тўлаш, шунингдек алимент тўлаш мажбуриятини таъминлаш бўйича гаров шартномасини тузиш тартиби тўғрисида” низомда алиментларни олдиндан тўлаш бола вояга етгунга қадар ҳар қандай давр учун ва беш йилдан кам бўлмаган муддатга амалга ошириш кўрсатиб ўтилган.

Фуқаролик ишлари Наманган туманлараро судининг 2023 йил 20 октябрдаги қарорига асосан қарздор Н.Н.дан ундирувчи О.М.нинг фойдасига уч нафар фарзандининг таъминоти учун алимент ундириш белгиланган. Мазкур суд қарорига асосан ижро ҳужжати бўйича Бюронинг Янги Наманган туман бўлими томонидан ижро иши юритилган.

Мазкур ижро ҳужжатига асосан қарздорнинг мол-мулкларини аниқлаш мақсадида Ўзбекистон Республикаси “Суд ҳужжатлари ва бошқа органлар ҳужжатларини ижро этиш тўғрисида”ги Қонуннинг тегишли ташликотларга сўровномалар юборилган ва олинган маълумотларга асосан барча мол-мулкларига тақиқ қўйилган.

Мазкур ижро ҳужжати ижросини таъминлаш мобайнида олиб борилган тушунтиришлар ўз самарасини берди. Қарздор ота байрам арафасида фарзандларини вояга етгунга қадар алимент учун ҳисобланган 171 миллион сўмни бир йўла олдиндан тўлаб берди.