Фуқаролик ишлари бўйича Избоскан туманлараро судининг 2022 йил 10 майдаги ижро ҳужжатига асосан, қарздор Х.Ю.дан ундирувчи Х.Ю. фойдасига уч нафар вояга етмаган фарзандларининг моддий таъминотини таъминлаш мақсадида алимент ундириш белгилаб берилган.
Бироқ қарздор белгиланган тўловларни ўз вақтида амалга оширмагани оқибатида қарздорлик юзага келган. Суд ҳужжатининг ижросини таъминлаш мақсадида Мажбурий ижро бюроси Балиқчи туман бўлими давлат ижрочилари томонидан тегишли ижро ҳаракатлари олиб борилди.
Ижро жараёнида, фарзандларининг келажагини таъминлаш ниятида қарздор Х.Ю. томонидан собиқ турмуш ўртоғига 6 сотих майдондаги ер участкаси ҳадя қилинган. Бу ҳаракат унинг фарзандларига бўлган эътибор ва масъулияти ифодаси сифатида баҳоланди.
Шу билан бирга, профилактик суҳбатлар натижасида 23 миллион сўм миқдоридаги алимент қарзи ҳам тўлиқ ундириб берилди.
Ундирувчи томонидан алимент қарзи қопланганлиги, шунингдек 6 сотих ер участкасини қабул қилиб олингани инобатга олиниб, ижро ишини тамомлаш тўғрисида мурожаат қилинди.
Ижро ҳужжати асосида белгиланган талаблар тўлиқ бажарилганлиги сабабли, ушбу ижро иши тамомланди.
Мактабларда 1 сентябрдан смартфондан фойдаланиш тақиқланади
Кападзе: "Агар терма жамоамизни Бенту бошқарадиган бўлса, хайрли бўлсин дейман"
АҚШ Конгрессига номзод Валентина Гомес Қуръонни ёқиб юборди
