АҚШ ва Исроилнинг март ойи бошида амалга оширган ҳаво ҳужумларида ҳалок бўлган Эрон Миллий хавфсизлик олий кенгаши раҳбари Али Ларижоний ўрнига Ислом инқилоби қўриқчилари корпусининг (ИИҚК) собиқ қўмондони Муҳаммад Бағир Золғадрни тайинланди.
Президент Масъуд Пизишкиённинг коммуникациялар бўйича ўринбосари тегишли тайинловни эълон қилди, дея хабар берди нашр.
Эрон хавфсизлик кенгашини расмий жиҳатдан президент бошқаради, тузилма хавфсизлик ва ташқи сиёсатни мувофиқлаштиради. Кенгаш таркибига олий раҳнамо Мужтабо Хоминаий вакилларидан ташқари юқори мартабали ҳарбийлар, разведка ва ҳукумат расмийлари ҳам киради.
"Золғадрнинг янги лавозими Эрон ичида Ислом инқилоби қўриқчилари корпуси таъсири кучайиб бораётганини кўрсатади. Бу айниқса, юқори даражадаги қарор қабул қилиш жараёнида ноаниқлик ортиб бораётган бир пайтда юз бермоқда. Эрон олий раҳнамоси Мужтабо Хоминаий март ойи бошида ўлдирилган отаси оятуллоҳ Али Хоминаийнинг ўрнини эгаллаганидан бери жамоатчиликка кўриниш бермади", дейилади хабарда.
Ҳусановнинг финалдаги ўйини қандай баҳоланди?
Эрон Трампнинг Ҳормуз бўғозини очиш ҳақидаги ультиматумига жавоб берди
АҚШ Эроннинг нефтдан тахминан 14 миллиард доллар даромад олишига имкон берди
