Франция фуқароларининг аксарияти мамлакатдаги чуқур сиёсий инқироз фонида Франция президенти Эммануэль Макроннинг муддатидан олдин истеъфога чиқишини маъқуллайди.
Буни Франция ОАВлари томонидан эълон қилинган бир нечта ижтимоий сўровлар тасдиқлади.
Toluna-Harris Interactive сўровида қатнашганларнинг 73 фоизи давлат раҳбарининг бундай ҳаракатини қўллаб-қувватлаган бўлса, 76 фоизи уни биринчи навбатда Бош вазир Себастьян Лекорню истеъфога чиқишига сабаб бўлган сиёсий вазиятда айблаган. Сўровни ўтказган RTL радиоси таъкидлаганидек, французлар аввалги бош вазирлар Мишел Барнье ва Франсуа Байру истеъфога чиққанидан кейин юзага келган инқирозларда ҳам президентни айблашган.
Шунга ўхшаш натижалар Франция Жамоатчилик фикри институти (IFOP) LCI учун, Elabe учун BFMTV ва Odoxa-BackBone Consulting томонидан Le Figaro учун ўтказилган сўровларда ҳам топилди: мос равишда 62%, 51% ва 70% респондентлар инқирозни ҳал қилишнинг энг яхши сиёсий варианти сифатида давлат раҳбарининг истеъфосини маъқулладилар. Ҳар бир ҳолатда 18 ёшдан ошган 1000 нафар аҳоли сўровдан ўтказилди.
Келаётган ҳафта Ўзбекистонда совуқ ҳаво кутилмоқда
Россия Сибир дарёлари сувини Марказий Осиё билан бўлишмайди — олимлар фикри
Мигрантлардан норози бўлаётган экспертларга қўлига супурги олишни маслаҳат бераман — Собянин
