Вазирлар Маҳкамасининг тегишли қарори билан Виктор Нам Тошкент шаҳридаги Пучон университети ректори лавозимдан озод қилинди. Бу ҳақда бош вазир матбуот котиби хабар берди.
Маълум қилинишича, Виктор Намнинг ўрнига Агриппина Шин тайинланди.
Қаҳрамон Олимов Тошкентдаги А.И.Герсен номидаги Россия давлат педагогика университети федерал давлат бюджети олий таълим муассасаси филиалининг ижрочи директори лавозимдан озод қилинди. Унинг ўрнига Виктор Нам тайинланди.
Элдар Юлдашев Тошкентдаги С.А.Герасимов номидаги Бутунроссия давлат кинематография институти федерал давлат бюджети олий таълим муассасаси филиалининг директори лавозимдан озод қилинди. Унинг ўрнига Иқбол Мелиқўзиев тайинланди.
Элдор Шерманов Юнус Ражабий номидаги Ўзбек миллий мусиқа санъати институтининг ўқув ишлари бўйича проректори – ректори вазифасини вақтинча бажарувчи этиб, 6 ой синов муддати билан тайинланди.
