"Ҳизбуллоҳ" ҳаракати қуролларини, жумладан, оғир қуролларини ҳам мамлакат армиясига топширишга тайёр, аммо бунинг учун Исроил Ливанни тарк этиши керак.
Бу ҳақда Al Hadath телеканали маълум қилди.
Ўз манбаларига кўра, ҳаракат Ливан президенти Жозеф Ауннинг Исроил қўшинларини давлатлар ўртасидаги халқаро тан олинган чегараларга қайтариш эвазига ўз тарафдорларини босқичма-босқич қуролсизлантириш ва Литани дарёси шимолидан олиб чиқиш тўғрисидаги таклифига рози бўлган. Ҳаракат, шунингдек, Исроилдан “тажовуз қилмасликнинг ишончли кафолатларини” сўради.
Эслатиб ўтамиз, 1 июль куни Ливан 24 ахборот портали Ливан раҳбарияти АҚШ таклиф қилган Исроил билан можарони ҳал қилиш бўйича таклиф қилинган босқичма-босқич режани маъқуллаганини, бу режада Исроил қўшинларини шу йилнинг ноябригача мамлакат жанубидан олиб чиқиб кетиш эвазига “Ҳизбуллоҳ”ни қуролсизлантириш кўзда тутилгани ҳақида хабар берган эдик.
Ливан ва Исроил ўртасида воситачи бўлиб ишлаётган АҚШнинг Туркиядаги элчиси Том Барак 7-10 июль кунлари дипломатик миссия билан Байрутга келади.У республика президенти, бош вазир Наваф Салам ва парламент спикери Набиҳ Берри билан учрашади.
Тошкентда андижонлик "доставкачи" йигитни зўрлаган 2 нафар аёл қамалди
Аёлларнинг пенсия ёши яна 6 ойга оширилди
Қирғизистонда фавқулодда ҳолат эълон қилинди
