АҚШ президенти Дональд Трамп агар Европа иттифоқчилари Ҳормуз бўғози орқали юк ташишни тиклаш бўйича коалицияга қўшилишдан бош торцалар, Украинага қурол етказиб беришни тўхтатиш билан таҳдид қилди.
Бу ҳақда Financial Times (FT) манбаларга таяниб хабар берди.
Трамп ўтган ой бўғоз орқали юк ташишни тиклаш учун НАТО денгиз флоти ёрдамини талаб қилган, аммо Европа етакчилари томонидан рад этилган, улар можарога аралашишни истамасликларини билдиришган. Манбаларга кўра, Америка етакчиси бунга жавобан Европа Иттифоқи мамлакатлари томонидан молиялаштириладиган Украина учун НАТО қурол-яроғ сотиб олиш дастури PURL доирасида таъминотни тўхтатиш билан таҳдид қилган.
Натижада, НАТО бош котиби Марк Рюттенинг талабига биноан, иттифоқнинг асосий аъзолари Франция, Германия ва Буюк Британияни ўз ичига олган бир гуруҳ мамлакатлар 19 март куни Ҳормуз бўғози орқали хавфсиз ўтишни таъминлашга ҳисса қўшишга тайёр эканликларини билдирган қўшма баёнот чиқардилар. Кейинчалик, бу позицияни қўллаб-қувватловчи мамлакатлар сони 35 тага етди. Икки расмийнинг сўзларига кўра, Рютте баёнот эълон қилинишидан икки кун олдин Трамп ва АҚШ давлат котиби Марко Рубио билан кўплаб телефон суҳбатлари ўтказган.
Оқ уй матбуот котиби ўринбосари Анна Келли аввалроқ шундай деган эди: "Президент Трамп НАТО ва бошқа иттифоқчилардан кўнгли қолганини аниқ айтди ва президент таъкидлаганидек, "Қўшма Штатлар буни эслаб қолади".
Трамп бир неча бор Европа иттифоқчиларидан АҚШнинг Эронга қарши урушини қўллаб-қувватлаш учун кўпроқ иш қилмагани учун норозилигини билдирди, шу билан бирга Россия-Украина можаросини Вашингтон учун эмас, балки Европа учун муаммо сифатида таърифлади.
"Биз НАТОни ҳимоя қилиш, уларни Россиядан ҳимоя қилиш учун у ердамиз. Лекин улар бизни ҳимоя қилишга тайёр эмаслар. Бу бемаънилик", деди у ўтган ҳафта вазирлар маҳкамаси йиғилишида. Чоршанба куни Трамп АҚШни НАТОдан чиқаришни кўриб чиқаётганини эълон қилди.
Трамп Саудия шаҳзодаси ҳақида кескин баёнот қилди
Туркия АҚШни огоҳлантирди!
Россия Украина борасида Жанубий Кореяни жиддий огоҳлантирди
