Охирги ҳафтада ушбу вирусдан 50 киши вафот этди ва қитъанинг 18 та давлатида уларнинг умумий сони 1,1 минг кишига етди. Бу ҳақда Африка Касалликларни назорат қилиш ва олдини олиш маркази раҳбари Жан Касея маълум қилди, деб ёзади ТАСС.
"Биз ушбу эпидемияга қарши курашишда давом этамиз ва унинг барча Африка мамлакатларига тарқалишини истамаймиз", – дея Касейнинг сўзларидан иқтибос келтирган Associated Press.
У, шунингдек, вазият назоратдан чиқиб кетаётганидан хавотир билдирди ва халқаро ҳамкорларни ёрдам беришга чақирди.
"Биз самарали жавоб бериш учун ваъдаларни тезда реал маблағларга айлантиришимиз керак", – дея қўшимча қилди у.
Африка маркази ва Жаҳон соғлиқни сақлаш ташкилоти томонидан таклиф қилинган олти ойлик режанинг тахминий бюджети деярли 600 миллион долларни ташкил этади, шундан 55 фоизи аллақачон ажратилган.
Замбия ва Зимбабве шу ҳафтада маймун чечаги бўйича ҳолатларини тасдиқлади ва Кенияда вирусдан биринчи ўлим қайд этилди. Шу билан бирга, Руанда ва Конго Демократик Республикасида эмлаш бошланди.
Август ойида Жаҳон соғлиқни сақлаш ташкилоти Африкада маймун чечаги эпидемиясини глобал фавқулодда ҳолат деб эълон қилди ва Конгони эпицентр сифатида таъкидлади. Йил бошидан буён Африкада 42 мингдан ортиқ инфекция ҳолати қайд этилган.
Исроил Эронга зарба беришга тайёрланмоқда. Саудия Арабистонининг реакцияси
Тожикистон Россияга талабнома йўллади
Украинага оммавий ҳужум уюштирилди
