Гвинея-Бисаунинг амалдаги президенти Умаро Сиссоко Эмбало давлат тўнтариши натижасида ўзининг президентлик саройида ҳибсга олинганини даъво қилди.
Бу ҳақда Jeune Afrique нашри хабар бермоқда.
Ҳисоботга кўра, Ғарбий Африка етакчиси сайловолди ташвиқоти 65 фоиз овоз билан ғалаба қозонганини даъво қилган президентлик сайловларининг биринчи босқичидан уч кун ўтиб маҳаллий вақт билан тушда ҳибсга олинган.
Нашр маълумотларига кўра, Қуролли кучлар Бош штаби бошлиғи, генерал Бьяге На Нтан, Бош штаб бошлиғи ўринбосари, генерал Мамаду Туре, ички ишлар вазири Боче Канде ҳам ҳибсга олинган.
Эмбало давлат тўнтаришини армия бош штаб бошлиғи уюштирганини даъво қилди. Ҳибсга олиш вақтида унга нисбатан ҳеч қандай зўравонлик қўлланилмаган, дея қўшимча қилди президент.
Гвинея-Бисауда президентлик сайлови 23 ноябрь куни бўлиб ўтди. Расмий натижалар 27 ноябрда эълон қилиниши режалаштирилган эди. Бу сайловда Эмбалонинг асосий рақиби Фернандо Диас да Коста бўлди. Унинг тарафдорлари фикрича, Коста биринчи раунддаёқ ғалаба қозонган.
Каспий денгизи иккига ажралиши мумкин
Тошкент вилояти ва Тошкент шаҳрида "ерфурушлар" қўлга тушди
АҚШнинг Тошкентдаги элчихонаси эълони
