Нашрнинг хабар беришича, яқинда Италия бош вазири ўринбосари Маттео Салвини, Буюк Британия ва Франция бошчилигидаги “Хоҳловчилар коалицияси” муҳокама қилаётган тинчликпарвар контингент доирасида Италия қўшинларини Украинага юбориш масаласига кескин муносабат билдирди.
"Франция президенти Эммануэл Макроннинг ўзи дубулға кийсин ва қўлига милтиқ олиб Украинага бораверсин", — деди италиялик сиёсатчи.
АFP'нинг дипломатик манбаларга таяниб ёзишича, бу баёнотдан сўнг Италиянинг Париждаги элчиси Эмануэла Д'Алессандро Франция Ташқи ишлар вазирлигига чақирилган.
Италия элчисига Салвинининг сўзлари “икки мамлакат ўртасидаги ишонч муҳити ва тарихий муносабатларга зид” экани билдирилган.
"Бу Салвини томонидан Макронга қарши айтилган илк кескин фикр эмас. Март ойида Салвини Франция президентини “телба” деб атаб, уни Европани Россия билан урушга ундаётганликда айблаган эди", дея ёзмоқда АFP.
Янги ўқув йилининг бошланиш саналари тасдиқланди
Жаҳонгир Позилжанов, Озодбек Назарбеков, Дилшод Мусабековлар унвон ва орденлар билан тақдирланди
Тошкент кўчалари бўйлаб одамларга ташланган буқа отиб ўлдирилди
