Янги қоидага кўра, ёнида смартфони борлиги аниқланган ўқитувчилар ва таълим соҳаси ходимлари ишдан бўшатилади. Бу ҳақда Afghanistan International нашри хабар берди.
Нашр манбаларига кўра, 13 июндан бошлаб ўқитувчилар ва барча таълим ходимлари учун мобил телефонлардан фойдаланиш тақиқланганини маълум қилган.
Уларнинг айтишича, “Толибон” вакиллари смартфони бор шахслар судга топширилиши, телефонлари эса синдириб ташланишини айтган. Шунингдек, бу шахслар эгаллаб турган лавозимидан озод этилиши ҳам мумкин.
Ўтган ҳафта “Толибон” етакчиси Ҳайбатуллоҳ Охундзода буйруқ чиқариб, ҳаракат вакиллари ва ҳукумат ходимлари учун смартфонлардан фойдаланишни тақиқлаганди. Ҳарбий судларга юборилган кўрсатмада айтилишича, ушбу қоидани бузганлар “жиноятчи” ҳисобланади.
Уларга жазо бериш учун ишлари ҳарбий судларга оширилади. Тақиқ ортидан ҳаракат аъзолари ижтимоий тармоқларда ўз смартфонларини уриб синдираётгани акс этган видеоларни жойлади.
Ўзбекистон — Колумбия ўйини учун чипталар сотуви рекорд даражага чиқди
Сўнгги 140 йилдаги энг кучли Эл-Нино ҳодисаси яқинлашмоқда. Бу бутун дунёдаги об-ҳавога таъсир қилиши мумкин
АҚШда ҳам тўй қилаётганлар ақлдан озмоқда
