Афғонистоннинг Нангарҳор провинциясида ўзини «Толибон»дан деб таништирган эркаклар мусиқа тинглаётган тўй меҳмонларига қарата ўт очди. Бу ҳақда «Вести.ru» хабар берди.
Келтирилишича, Афғонистон маданият вазири ўринбосари ҳужумчилар фақат «Толибон» номини ишлатгани, аслида уларнинг ҳаракатга ҳеч қандай алоқаси йўқлигини қайд этган.
Афғонистоннинг собиқ биринчи вице-президенти Амруллоҳ Солиҳ Twitter’да 13 киши ҳалок бўлганини маълум қилган. Шунингдек, Покистон раҳбариятини «Толибон»ни афғон маданиятини йўқ қилиш ва уни диний ақидапарастлик билан алмаштириш учун қўллаб-қувватлашда айблаган. «Толибон» ҳужумчиланинг шариат ҳукми билан жазоланишини қайд этган.
Маълумот ўрнида, «Толибон» ҳаракати Афғонистонда тўйларда жонли мусиқани тақиқлаган, бундан ташқари, аёллар ва эркаклар байрамларни алоҳида залларда нишонлаши шарт деб белгиланган.
