Абдуқодир Ҳусанов — клублар ўртасидаги жаҳон чемпионатида ўйнаган биринчи ўзбекистонлик

Клублар ўртасидаги жаҳон чемпионати 2-турида «Манчестер Сити» «Ал Айн»ни (6:0) тор-мор этди.

Беллашувда Англия клуби сафида ўзбекистонлик футболчи Абдуқодир Ҳусанов ҳам майдонга тушди ва 61 дақиқа ҳаракат қилди.

Натижада 21 ёшли ҳимоячи клублар ўртасидаги жаҳон чемпионатида ўйнаган биринчи ўзбекистонликка айланди.

Маълумот учун, «Сити» ушбу ғалаба орқали 1/8 финал йўлланмасини қўлга киритди. 26 июн куни 3-тур доирасидаги «Ювентус»га қарши баҳсда гуруҳ ғолиби аниқланади.