Эстония мудофаа кучлари Бош штаби 2025 йилда энг йирик халқаро ҳарбий машғулотлар бошланганини эълон қилди, Siil 2025 5-23 май кунлари, биринчи навбатда, мамлакатнинг шимоли-шарқида ва жануби-шарқида, Россия билан чегара яқинида бўлиб ўтади.
"Интерфакс" агентлигининг хабар беришича, машғулотларда Эстония мудофаа кучлари бўлинмалари, Kaitseliit ҳарбийлаштирилган кўнгиллилар ташкилоти, НАТО иттифоқдош қўшинлари, шунингдек, қатор ҳамкор давлатлар ҳарбий хизматчилари иштирок этади.
Машғулотлардан мақсад миллий ва минтақавий мудофаанинг асосий вазифаларини бажариш, бўлинмаларнинг жанговар тайёргарлигини текшириш ва иттифоқчилар билан ҳамкорликни мустаҳкамлашдан иборат. Жорий йилда Эстонияга қўшимча иттифоқчи кучларни киритиш ва уларни Эстония дивизиясига оператив интеграциялаш, тўлиқ жанговар шайликка эришишга алоҳида эътибор қаратилмоқда.
Машғулотларнинг асосий босқичлари Эстония мудофаа кучларининг марказий полигонида, Нурсипалу полигонида ва унинг атрофидаги ҳудудларда бўлиб ўтади. Мамлакатнинг ғарбий, шимолий ва марказий қисмларида ёрдам тадбирлари режалаштирилган.
Siil 2025 Эстония учун бу йилги энг йирик машғулот бўлади. 16 мингдан ортиқ киши, жумладан, Буюк Британия, Франция, Германия, Польша, Португалия, Дания, Швеция, Финляндия, Латвия, АҚШ ва Канада ҳарбий хизматчилари иштирок этади. Япония, Исроил ва Украина вакиллари ҳам машғулотларда кузатувчи ва инструктор сифатида иштирок этади.
Даҳшат! Вафот этган 88 ёшли аёл тобутда ҳушига келди
БАА бош мураббийи мухлисларга мурожаат билан чиқди
Ҳиндистон чўкиб кетмоқда - ярим миллиондан ортиқ қурбонлар
