Наманган вилояти Мингбулоқ туманида фаолият юритувчи «A.T.X.» МЧЖ раҳбари солиқ ҳисоботида юзага келган ноаниқликни бартараф этишда ёрдам сўраб Бизнес-омбудсманга мурожаат қилди.
Аниқланишича, 2026 йил май ойида онлайн касса орқали чек расмийлаштирилаётганда техник хатога йўл қўйилган. 450 000 сўмлик дизель ёқилғиси ўрнига тизимга 450 000 литр деб киритилган. Натижада 6 миллиард 750 миллион сўмлик чек шаклланиб, корхонага амалда мавжуд бўлмаган даромад ва асоссиз солиқ мажбуриятлари ҳисобланган.
Тадбиркорнинг чекни таҳрирлаш бўйича мурожаатлари таҳрирлаш муддати ўтганлиги сабабли рад этилган. Шундан сўнг Бизнес-омбудсман тадбиркор манфаатини кўзлаб Наманган туманлараро маъмурий судига ариза киритган.
Суд аризани тўлиқ қаноатлантириб, чекни таҳрирлашни рад этиш билан боғлиқ ҳаракатларни қонунга хилоф деб топди. Солиқ қўмитаси ва Наманган вилояти солиқ бошқармасига нотўғри шакллантирилган чекни таҳрирлаш имкониятини яратиш мажбурияти юклатилди.
Амалдаги тартибга кўра, илгари амалга оширилган ҳисоб-китобларга ўзгартириш киритиш зарур бўлса, фойдаланувчи томонидан тузатувчи касса чеки шакллантирилиши мумкин.
Россияда бир ҳафта ичида касалланганлар сони қарийб 1 миллионга етди
Зеленский ёмон хабар олди
Taftish.uz таҳририяти ва ДХХ ходимларига ҳукм ўқилди!
