Россиянинг Кингисепп шаҳрида электр устаси болаларга нисбатан зўравонлик қилганликда гумонланиб ҳибсга олинди. Бу ҳақда "78.ру"га ҳуқуқ-тартибот идораларидаги манба хабар берди.
Бир кун аввал, 25 май куни полицияга 27 ёшли қиз мурожаат қилиб, номаълум шахс унинг 7 ёшли қизини тунда безовта қилганини маълум қилган. Маълумотларга кўра, электр устаси дастлаб уларнинг хонадонига, сўнг бола ётган хонага кирган.
40 ёшли электр устаси жинсий алоқада гумонланиб ҳибсга олинган. У аввал зўрлашда айбланиб судланганди. Ҳолат юзасидан жиноий иш қўзғатилган.