Польша бош вазири Дональд Туск мамлакат президенти Кароль Навроцкийнинг ҳудудий йўқотишлар ҳақидаги баёнотига кескин муносабат билдирди.
17 сентябрь куни Польша президенти девони Х ижтимоий тармоғида Навроцкийнинг Влодава шаҳрида сўзлаган нутқидан иқтибос эълон қилди.
"Биз ҳудудларни йўқотишимиз мумкин, аммо ҳеч қачон руҳимизни йўқотмайдиган халқмиз. Биз ҳудуддан айрилишимиз мумкин, аммо Ватанимизни ҳеч қачон бермаймиз", — деди Навроцкий.
Шундан сўнг Туск президентга ушбу постни ўчиришни таклиф қилди.
"Жаноб президент, бу постни ўчиришни таклиф қиламан. Биз ҳудудимизнинг бир қаричини ҳам бериш ниятида эмасмиз", — деб ёзди Туск Х тармоғида.
Навроцкий кейинчалик Тускка жавоб қайтариб, ўз сўзлари 1939 йил 17 сентябрда Совет Иттифоқининг Польшага бостириб кириши муносабати билан айтилганини таъкидлади. У Польша ўша пайтда ҳудудларидан айрилган бўлса-да, Ватанини йўқотмаганини қайд этди.
АҚШ Эронда қулаган F-15E учувчиларини эвакуация қилиш операцияси кадрларини махфийликдан чиқарди
Бошланғич синф қизлари учун ҳижобни тақишни тақиқлаш таклиф қилинмоқда
Саудия Арабистони Исроилдан ёрдам сўради
