24 март куни Украина делегацияси Саудия Арабистонида АҚШ вакиллари билан учрашади

24 март куни Украина делегацияси Саудия Арабистонида АҚШ вакиллари билан учрашади, шундан сўнг америкаликлар россияликлар билан музокаралар ўтказади, деди Украина президенти Владимир Зеленский ўзининг баёнотида.

◾️ Сулҳ энергетика объектларини, шунингдек, бошқа турдаги фуқаролик инфратузилмасини ҳам ўз ичига олади. Биз фуқаролик инфратузилмаси объектлари рўйхатини тайёрлаймиз;

◾️ Украинадаги барча атом электр станциялари украин халқига тегишли. Агар америкаликлар уларни россияликлардан олиб, модернизация қилишни режалаштирса, бу масалани муҳокама қилишимиз мумкин. Аммо АЭСларимизни бошқаларнинг эгалигига ўтказиш ҳақида муҳокамалар кетмаяпти;

◾️ Санкциялар Россия ўз қўшинларини бизнинг юртимиздан батамом олиб чиқмагунча ва тажовузи туфайли етказилган зарарни қопламагунча кучда қолиши керак;

◾️ Биз Украинанинг NATO'га аъзо бўлиши кўплаб муаммоларни ҳал қилади деб ҳисоблаймиз. Афсуски, бугунги кунда NATO'нинг асосий иттифоқчиси бўлган АҚШ Украинани алянсга қўшилишини қўллаб-қувватламайди;

◾️ Венгрия бош вазири Виктор Орбан Украинанинг Евроиттифоққа қўшилишига қаршилик қилмоқда. Агар биргина шахс бутун қитъа учун муҳим бўлган ёки аллақачон келишилган қарорларни блокласа, бу бутунлай антиевропача ҳаракат ҳисобланади.