Кремль Қрим кўпригидаги портлашга изоҳ берди

"Портлаш ростдан ҳам бўлган, ҳеч нарса шикастланмаган, кўприкда ҳаракатланиш давом этмоқда", — деди Россия президенти матбуот котиби Дмитрий Песков.

3 июн куни Украина Хавфсизлик хизмати (СБУ) Қрим кўпригининг таянч устунларидан бирига ўз агентлари томонидан қўйилган портловчи қурилмалар фаоллаштирилганини маълум қилган эди.

Шу билан бирга, Қрим кўпригидаги вазият бўйича тезкор маълумотлар бериб бориладиган Telegram каналида 3 июн куни эрталаб кўприкда ҳаракат вақтинчалик тўхтатилгани ҳақида хабар берилганди.