Трамп “Ўргимчак тўри” операцияси ҳақида олдиндан билганми?

Трамп “Ўргимчак тўри” операцияси ҳақида олдиндан билмаган.

Бу ҳақда Оқ уй матбуот котиби Кэролайн Ливитт матбуот брифингида маълум қилди.

Бундан ташқари, Ливитт Қўшма Штатлар президенти Доналд Трамп Россияга қарши санкцияларни қўллаш имкониятини сақлаб қолиши ва зарурат туғилганда улардан фойдаланишга тайёрлигини айтди.

Шу билан бирга, у Трамп Украинадаги низони ҳал этиш масаласида ижобий кайфиятда эканини таъкидлади.

"Мен фақат барчани эслатиб ўтмоқчиман: атиги тўрт ой ичида қандай улкан натижаларга эришдик. Бир йил аввал шу вақтда Россия ва Украинанинг тўғридан-тўғри музокаралар олиб бориши ҳатто тасаввурга сиғмас эди. Айнан президентнинг бу урушни тугатишга бўлган қатъий ҳаракатлари туфайли бу давлатлар музокара столига ўтирди", – деди Ливитт.